Celébrase un novo Seminario Internacional sobre Rosalía de Castro dentro do proxecto de investigación "Cartografías do afecto e usos públicos da memoria: unha análise espacial da obra de Rosalía de Castro" (FFI2017-82742-P). Terá lugar os vindeiros días 4 e 5 de decembro na Facultade de Filoloxía da USC e na Casa-Museo Rosalía de Castro.
A xornada do 4 de decembro realizarase no Seminario B13 da Facultade de Filoloxía da USC e abrirase coa conferencia de Pura Fernández, investigadora do CSIC, titulada “Objects of my affection. Autoras, propietarias y artesanas: en torno a las escritoras decimonónicas”. A continuación a profesora da USC Dolores Vilavedra dará a conferencia “Cara a un novo paradigma na articulación da memoria literaria rosaliana”, seguida pola ponencia “O valor da memoria nos prólogos de Rosalía de Castro” a cargo da investigadora Laura Camino Plaza (USC).
Pola tarde Ángeles Rodríguez Fontela, profesora da USC, falará de “Rosalía de Castro en las artes visuales. Mitificación y rostrificación de la imagen fotográfica”, seguida por Fernando Cabo Aseguinolaza, investigador principal do proxecto e coordinador do Grupo de Investigación TLLC, quen dará unha conferencia titulada “Posteridad, necropolítica y anacronía. Una placa para Rosalía Castro”.
Para pechar esta primeira xornada a investigadora Jenny Haase (HU-Berlin) fará unha ponencia titulada “«Como el salvaje hormiguero». Para una lectura postantropocentrista de En las orillas del Sar”.
O seminario continúa o xoves, 5 de decembro na Casa-Museo Rosalía de Castro en Padrón. Abrirase coa ponencia Santiago Díaz Lage (USC) e Arantxa Fuentes Ríos (USC) “Hacia una cartografía de la recepción de Rosalía de Castro: una base de datos sobre su presencia en la prensa periódica”. A seguir, as investigadoras do proxecto María López Sández e María do Cebreiro Rábade Villar presentarán as comunicacións “Un achegamento botánico á obra de Rosalía de Castro: as emocións e a memoria desde a historia natural” e “Hacia una cartografía de la recepción de Rosalía de Castro: una base de datos sobre su presencia en la prensa periódica”.
A sesión e o seminario péchanse ao final da mañá cun relatorio de Anxo Angueira, profesor da UVigo e presidente da Fundación Rosalía de Castro), titulado “Dous itinerarios de En las orillas del Sar”.