TLLC
Arturo

Casas Vales, Arturo

Catedrático de Universidade

arturo.casas@usc.gal

 

Sitio web académico

Arturo Casas é catedrático de Teoría da literatura e Literatura comparada. Doutorouse con Premio Extraordinario en 1996. Foi o primeiro director, entre 2011 e 2015, do Centro de Investigación de Procesos e Prácticas Culturais Emerxentes da USC, conformado por oito grupos de investigación en ciencias humanas e ciencias sociais. Impulsou igualmente iniciativas como o Grupo Alea de Análise Poética, o Núcleo de Estudos para a Innovación da Historia Literaria Galega e a rede internacional Poetics of Resistance, ademais de formar parte do Equipo Glifo e da Rede de Pesquisa Internacional LyraCompoetics. Colabora con asiduidade en equipos de tradución de poesía, tanto ao galego como ao español, desde diferentes linguas.

É membro do Instituto de Literatura Comparada Margarida Losa da Universidade do Porto e foi profesor visitante na Université de Bourgogne, a University of St Andrews, a City University of New York e a Universidad Nacional de Mar del Plata, así como docente en actividades de posgrao e/ou doutoramento nas universidades citadas e tamén nas de Barcelona, Zúric, Minho e Verona, entre outras. Dirixiu dez teses de doutoramento. Tamén varios proxectos de investigación financiados por entidades públicas.

Como coeditor publicou, entre outros, os libros Performing Poetry: Body, Place and Rhythm in the Poetry Performance (Rodopi, 2011), Resistance and Emancipation: Cultural and Poetic Practices (Peter Lang, 2011) e Textualidades (inter)literarias. Lugares de lectura y nuevas perspectivas teórico-críticas (Iberoamericana-Vervuert, 2020), así como a base de datos de termos e conceptos literarios DiTerLi (CIRP, 2019). Entre os seus libros máis recentes figura Procesos da historiografía literaria galega. Para un debate crítico (Edizioni Ca' Foscari, 2021). É editor das bases de datos poesiagalega.org (2014) e Poetry in the Public Space (2016).

As súas liñas de investigación en curso comprenden en particular a socioloxía da literatura, o dialoxismo en poesía e a poesía para o político, a teoría e a metodoloxía da historia literaria e os estudos ibéricos.

Curriculum

Publicacións