Novas

Páxina web do proxecto "Cartografías do afecto e usos públicos da memoria: unha análise xeoespacial da obra de Rosalía de Castro"

Neste espazo web queremos compartir algúns dos resultados da nosa investigación sobre a confluencia da memoria, o afecto e o lugar na obra de Rosalía de Castro. Aquí recóllense unha serie de cartografías e análises, en parte vinculadas ao ámbito das humanidades dixitais, que tratan de divulgar máis aló dos círculos estritamente académicos algúns dos resultados do traballo destes últimos anos.

O herbario de Rosalía de Castro no Real Jardín Botánico de Madrid (19 febreiro - 25 marzo 2022)

Inaugúrase no Real Jardín Botánico-CSIC de Madrid unha mostra que subliña as plantas e flores que inspiraron gran parte da obra de Rosalía de Castro. A exposición é un dos resultados do proxecto de investigación "Cartografías do afecto e usos públicos da memoria: unha análise xeoespacial da obra de Rosalía de Castro”, do que é IP Fernando Cabo Aseguinolaza. Son comisarios da exposición, ademais de Fernando Cabo, María do Cebreiro Rábade Villar e María López Sández.

Celébrase en Santiago o IX Simposio de ASETEL, logo da súa suspensión en xaneiro

O IX Simposio da Asociación Española de Teoría de la Literatura (ASETEL), que se ía celebrar o pasado 28 e 29 de xaneiro pero tivo que ser suspendido polas restricións a causa da Covid-19, terá lugar ese xoves 8 e venres 9 de outubro na Facultade de Filoloxía da USC, coordinado desde a área de Teoría da Literatura e Literatura Comparada polos profesores Anxo Abuín González, Paulo Antonio Gatica Cote e María do Cebreiro Rábade Villar.

Suspéndese o IX Simposio da ASETEL en Santiago

As novas restricións ditaminadas pola Xunta de Galicia por mor do avance da Covid-19 impiden a celebración do Simposio, prevista para o 28 e 29 de xaneiro. A organización buscará novas datas para celebralo coas debidas garantías.